గ్లోబల్ స్టార్ రామ్ చరణ్ ప్రస్తుతం పెద్ది అనే సినిమా చేస్తున్న విషయం తెలిసిందే. బుచ్చిబాబు డైరెక్షన్ లో రూపొందుతోన్న పెద్ది మూవీ మార్చి 27న రిలీజ్ కానుంది. అయితే.. చరణ్ తో మాటల మాంత్రికుడు త్రివిక్రమ్ శ్రీనివాస్ ఓ మూవీ చేయనున్నారని.. ఈ సినిమాను త్వరలో అనౌన్స్ చేస్తారని ప్రచారం జరిగింది. ఈ క్రేజీ కాంబో మూవీ ప్రకటన వస్తుంది అనుకుంటే.. నిర్మాత నాగవంశీ.. త్రివిక్రమ్ నెక్ట్స్ సినిమాలు వెంకీతో, ఎన్టీఆర్ తో అంటూ సోషల్ మీడియా వేదికగా అనౌన్స్ చేశారు. ఈ విధంగా చరణ్, త్రివిక్రమ్ మూవీ లేదనే విషయాన్ని చెప్పకనే చెప్పారు. తాజాగా ఈ కాంబో మూవీ ఆగిపోవడానికి విభేదాలే కారణమని వార్తలు వస్తున్నాయి. ఇంతకీ.. ఏమైంది..?
త్రివిక్రమ్.. గుంటూరు కారం సినిమా తర్వాత సంవత్సన్నర అయ్యింది కానీ.. కొత్త సినిమాను పట్టాలెక్కించలేదు. ఈమధ్య రామ్ చరణ్ ను కలిసారని.. కథ చెప్పారని.. ఈ కాంబో ఫిక్స్ అంటూ ప్రచారం రావడంతో నిజమే అనుకున్నారు సినీ అభిమానులు. నాగ వంశీ క్లారిటీ ఇవ్వడంతో ఈ ప్రాజెక్ట్ లేదని తెలిసింది. అయితే.. ఈ ప్రాజెక్ట్ లేకపోవడం వెనుక ఓ కారణం ఉందట. అది ఏంటంటే.. చరణ్, త్రివిక్రమ్ కలిసి కథ గురించి చర్చించుకున్నారట. సినిమా చేయాలి అనుకున్నారట. కాకపోతే ఏ బ్యానర్ లో సినిమా చేయాలి అనే విషయంలోనే ఇద్దరి మధ్య విభేదాలు వచ్చాయని ఇండస్ట్రీలో గుసగుసలు వినిపిస్తున్నాయి.
చరణ్ ఓ బ్యానర్ లో చేద్దామంటే.. త్రివిక్రమ్ హారిక అండ్ హాసిని క్రియేషన్స్ బ్యానర్ లోనే చేద్దామని పట్టుబట్టారట. దీనికి చరణ్ ఒప్పుకోలేదట. అందుకనే ఈ క్రేజీ కాంబో మూవీ డిష్కసన్ స్టేజ్ లోనే ఆగిపోయిందని టాక్ వినిపిస్తోంది. అయితే.. చరణ్ చెప్పిన బ్యానర్, త్రివిక్రమ్ చెప్పిన బ్యానర్.. ఈ రెండు కలిసి సినిమా చేసే ఛాన్స్ ఉన్నప్పటికీ.. దీనికి ఇద్దరూ ఒప్పుకోలేదట. ఈ కాంబో మూవీ గురించి ఎప్పటి నుంచో వార్తలు వస్తున్నాయి కానీ.. వాస్తవంగా జరగడం లేదు. చరణ్ తోనే కాదు.. మెగాస్టార్ చిరంజీవితో త్రివిక్రమ్ శ్రీనివాస్ సినిమా కూడా చేయాలి అనుకుంటున్నా సెట్ కావడం లేదు.
ఓ వైపు చరణ్, మరో వైపు త్రివిక్రమ్ ఫుల్ బిజీ అయ్యారు. అందుచేత ఈ క్రేజీ కాంబో మూవీ ఇప్పట్లో ఉండకపోపచ్చు. అయినప్పటికీ.. ఓ భారీ చిత్రాల నిర్మాత చరణ్, త్రివిక్రమ్ కాంబినేషన్లో మూవీ కోసం ప్రయత్నం చేస్తున్నారని ఓ వార్త వినిపిస్తోంది. మూడు సంవత్సరాల వరకు త్రివిక్రమ్ ఖాళీ లేరు. అలాగే చరణ్ కూడా మూడు సంవత్సరాల వరకు ఖాళీ లేరు. ఆతర్వాత ఈ క్రేజీ కలయికలో సినిమా సెట్ అవుతుందేమో చూడాలి.