ఆరోగ్యకరమైన జీవితాన్ని గడపడంలో కీలకమైన అంశాలలో ఒకటి శరీరంలో మంటను (ఇన్ఫ్లమేషన్) తగ్గించడం. ఇన్ఫ్లమేషన్ అనేది శరీరం గాయాలు లేదా వ్యాధులకు కారణమయ్యే ఒక సాధారణ ప్రక్రియ. అయితే దీర్ఘకాలిక మంట గుండె జబ్బులు, మధుమేహం, కీళ్లనొప్పులు, క్యాన్సర్ అనేక ఇతర దీర్ఘకాలిక వ్యాధుల బారిన పడకుండా ఉండేందుకు ఈ యాంటి ఇన్ఫ్లమేటరీ ఫుడ్స్ ను మీ రోజువారీ ఆహారంలో ఇవి చేర్చుకోండి:
పండ్లు, ముఖ్యంగా బెర్రీలలో.. విటమిన్లు, ఖనిజాలు, యాంటీఆక్సిడెంట్లు పుష్కలంగా ఉంటాయి. ఇవి కడుపులో మంటను తగ్గించడంలో సాయపడతాయి. బ్లూబెర్రీస్, స్ట్రాబెర్రీస్, రాస్ప్‌బెర్రీస్, బ్లాక్‌బెర్రీస్ లలో యాంథోసైనిన్స్‌లో సమృద్ధిగా ఉంటాయి. కాబట్టి వీటిని రెగ్యులర్ గా తీసుకోవడం మంచిది.
బాదం, వాల్‌నట్స్, చియా సీడ్స్, అవిసె గింజలు వంటి నట్స్, సీడ్స్ ల్లో ఒమేగా-3 ఫ్యాటీ యాసిడ్స్, యాంటీఆక్సిడెంట్స్, ఫైబర్‌తో నిండి ఉంటాయి. ఇవి మంటను తగ్గించడంలో, గుండె ఆరోగ్యాన్ని మెరుగుపరచడంలో సాయపడతాయి.
పాలకూర, కాలే, బ్రోకలీ, ఇతర ఆకుకూరల్లో విటమిన్ K, విటమిన్ C, యాంటీఆక్సిడెంట్లను కలిగి ఉంటాయి. ఇవి కడుపులో మంటను తగ్గించడంలోనూ, కణాలను దెబ్బతినకుండా రక్షించడంలో తోడ్పడతాయి.
సాల్మన్, మాకేరల్, సార్డిన్స్, ట్యూనా వంటి కొవ్వు అధికంగా గల చేపల్లో ఒమేగా-3 ఫ్యాటీ యాసిడ్స్, ముఖ్యంగా EPA (ఐకోసాపెంటినోయిక్ యాసిడ్) DHA (డోకోసాహెక్సానోయిక్ యాసిడ్)కు మంచి వనరు. ఒమేగా-3 ఫ్యాటీ యాసిడ్స్ శరీరంలో మంటను కలిగించే ప్రోస్టాగ్లాండిన్స్, ల్యూకోట్రైన్‌ల ఉత్పత్తిని తగ్గించడంలో సాయపడతాయి.
పసుపు కేవలం ఒక మసాలా దినుసుగానే కాదు ఇది శక్తివంతమైన ఔషధ గుణాలను కలిగి ఉంది. పసుపులో కర్కుమిన్ అనే క్రియాశీల సమ్మేళనం ఉంటుంది. ఇది బలమైన యాంటీ ఇన్ఫ్లమేటరీ, యాంటీఆక్సిడెంట్ లక్షణాలను కలిగి ఉంటుంది. కర్కుమిన్ అనేక దీర్ఘకాలిక వ్యాధులకు కారణమయ్యే మంట, నొప్పిని తగ్గించడంలో సాయపడుతుంది.
అల్లంలో జింజెరోల్స్ అనే సమ్మేళనం ఉంటుంది. ఇది మంటను తగ్గించడంలో, జీర్ణక్రియను మెరుగుపరచడంలో హెల్ప్ చేస్తుంది.
అధిక కోకో కంటెంట్ ఉన్న డార్క్ చాక్లెట్ (కనీసం 70% కోకో) ఫ్లేవనాయిడ్స్ అనే యాంటీఆక్సిడెంట్లను కలిగి ఉంటుంది. ఇవి మంటను తగ్గించడంలో గుండె ఆరోగ్యాన్ని మెరుగుపరచడంలో సహాయపడతాయి.
వీటితో పాటునీరు పుష్కలంగా తాగడంతో పాటు క్రమం తప్పకుండా వ్యాయామం, యోగా లేదా ఇతర విశ్రాంత పద్ధతుల ద్వారా ఒత్తిడిని తగ్గించుకోవచ్చు.