ఇంటి గుమ్మం ముందు దిష్టి తగలకుండా ఉండేందుకు కడతాం. కానీ దీనివల్ల ఎన్నో ఆరోగ్య ప్రయోజనాలు ఉన్నాయంటే నమ్ముతారా..
ఉదయం ఖాళీ కడుపుతో గుమ్మడికాయ జ్యూస్‌ తాగడం వల్ల ఎంతో మేలు జరుగుతుంది. ఒక్క బూడిద గుమ్మడికాయలో 96 శాతం నీరే ఉంటుంది. మిగతా 4 శాతంలో ప్రోటీన్లు, కార్బోహైడ్రేట్లు, జింక్, కాల్షియమ్, ఐరన్, ఫాస్పరస్, మెగ్నీషియం, మాంగనీస్, కాపర్, నియాసిన్, థయామిన్, రిబోఫ్లావిన్ లతో పాటు విటమిన్ బి1, బి2, బి3, బి5, బి6, విటమిన్ సీలు ఉంటాయి.
అవసరమైన పోషకాలతో నిండిన గుమ్మడికాయను తీసుకోవడం వల్ల జీర్ణక్రియను మెరుగుపరుస్తుంది. శరీరాన్ని వేడి నుంచి చల్లబరుస్తుంది. గుమ్మడికాయ దీర్ఘకాలిక వ్యాధుల ప్రమాదాన్ని తగ్గిస్తుంది. గుమ్మడిలోని విటమిన్లు, ఖనిజాలు, హెల్తీ ఫైబర్ వల్ల బరువు తగ్గడంలో సాయపడుతుంది.
బూడిద గుమ్మడికాయలో ఫైబర్ అధికంగా ఉండటం వల్ల, ఇది పేగు ఆరోగ్యాన్ని మెరుగుపరుస్తుంది. గుమ్మడికాయను జ్యూస్‌ లా తీసుకోవడం వల్ల మలబద్ధకం, గ్యాస్, అసిడిటీ వంటి జీర్ణ సమస్యల నుంచి ఉపశమనం లభిస్తుంది. శరీరంలో పేరుకుపోయిన విష వ్యర్ధాలను బయటికి పంపిస్తుంది. లివర్ పనితీరును మెరుగుపరుస్తుంది.
బూడిద గుమ్మడికాయ రసంలో యాంజియోలైటిక్ లక్షణాలు ఉండటం వల్ల ఇది నాడీ వ్యవస్థకు మంచిది. డిప్రెషన్‌, ఆందోళనతో బాధపడేవారికి, మూర్ఛవ్యాధితో ఇబ్బంది పడేవారికి మేలు చేస్తుంది. బరువు తగ్గాలనుకునే వారికి ఇదొక బెస్ట్‌ ఆప్షన్.
కేలరీలు, కార్బోహైడ్రేట్లు తక్కువ.. జీరో ఫాట్ లక్షణాలు పైగా ఫైబర్ ఎక్కువగా ఉండటం మూలాన మధుమేహం ఉన్నవారికి మంచిది. గుమ్మడి జ్యూస్‌ తీసుకోవటం వల్ల ఉబకాయాన్ని నిరోధిస్తుంది. కాబట్టి గుండె జబ్బుల రిస్క్ ను తగ్గి, గుండెకు మేలు చేస్తుంది.
గుమ్మడికాయలో విటమిన్ B3 అధికం. తక్షణ శక్తినిస్తుంది. రక్తంలో గ్లూకోజ్‌ లెవెల్స్ ను తగ్గించడంలో సహాయపడుతుంది. చర్మ ఆరోగ్యానికి, సౌందర్యానికి మేలు చేస్తుంది. ఒకరకంగా యాంటి ఏజింగ్‌గా పనిచేస్తుంది. ఫ్లవనాయిడ్స్ ఉన్నందున యాంటీ కేన్సర్‌గా పని చేస్తుంది. ఇది ఫ్రీ రాడికల్స్‌తో పోరాడే శక్తిని పెంపొందిస్తుంది. మూత్రంలో మంటను అరికడుతుంది. ఫాస్ఫేట్, అల్బుమిన్ ను పోవడాన్ని నివారిస్తుంది.
వైట్ డిశ్చార్జ్ తో పాటు మూత్రాశయ వ్యాధులన్నిటిని తగ్గిస్తుంది. షుగర్ వ్యాధిగ్రస్తుల్లో లైంగిక శక్తిని పెంచుతుంది. నెలసరి సమయంలో అధిక రుతుస్రావాన్ని నివారిస్తుంది. బూడిద గుమ్మడి గింజల్ని వేయించి, మెత్తగా దంచి కారం పొడిలా చేసుకొని, అన్నంలో కలుపుకొని తింటే కడుపులో బ్యాక్టీరియాను చంపేసి, గుడ్ బ్యాక్టీరియా పెరిగేలా చేస్తుంది. మొత్తంగా యాంటాసిడ్‌గా పనిచేస్తుంది.