ప్రముఖ సెర్చ్ ఇంజిన్ గా పేరొందిన గూగుల్ లోగోలో రీసెంట్ గా చిన్న మార్పులు చేశారు. దాదాపు పదేళ్ల తర్వాత గూగుల్ తన ఐకానిక్ లోగోలోను మారుస్తున్నట్లు నిర్ణయం తీసుకుంది. గతంలో ఉన్న లోగోలో రెడ్, యెల్లో, గ్రీన్, బ్లూ బాక్సులు కనిపించేవి. దీనికి బదులుగా ఇప్పుడు ఇకపై ఎరుపు పసుపు రంగులోకి, పసుపు ఆకుపచ్చ రంగులోకి, ఆకుపచ్చ నీలం రంగులోనే కొత్త గ్రేడియంట్ డిజైన్ గా సరికొత్తగా తీసుకువచ్చింది.
అయితే, గూగుల్ త్వరలో మరికొన్ని ఆర్టిఫిషియల్ ఫీచర్స్ను పరిచయం చేయబోతుందట. ఈ క్రమంలోనే కంపెనీ కొత్తగా గ్రేడియంట్ డిజైన్లోకి లోగోని మార్చినట్లు తెలుస్తోంది. మారిన ప్రస్తుత గూగుల్ లోగో ఐవోఎస్, పిక్సెల్ డివైజ్లలో మాత్రమే కాక గూగుల్ 16.18 బీటా వెర్షన్ ఉన్న ఆండ్రాయిడ్ డివైజ్లలోనూ ఈ లోగో కనిపిస్తోంది.
ఇదిలా ఉంటే గూగుల్ ప్రధానమైన వర్డ్మార్క్లో మాత్రం ఎలాంటి మార్పులు చేయలేదు. గూగుల్ ప్రస్తుతం తన ఉత్పత్తుల్లో ఏఐకి పెద్దపీట వేస్తుండగా.. ఫ్యూచర్ లో గ్రేడియంట్ డిజైన్ని ఇతర సేవలకు విస్తరించే అవకాశాలున్నాయని ఓ సర్వే తెలిపింది.
టెక్ దిగ్గజం 2015 తర్వాత తొలిసారిగా లోగోలో మార్పులు చేయడం విశేషం! గూగుల్ కొత్త లోగోపై సోషల్ మీడియా వేదికగా పలువురు ఇలా రియాక్ట్ అయ్యారు… కొందరు లోగో బాగుందని చెప్పగా.. కొందరు తేడా ఏం కనిపించడం లేదని తెలిపారు. గూగుల్ లోగో మార్చారా? నాకు పాత లోగోనే ఇష్టమని.. కొత్తదానికంటే పాతదే బాగా కనిపిస్తుందని ఓ యూజర్ చెప్పాడు.
ఏఐ, డిజిటల్ ఎక్స్పీరియన్స్ పెరుగుతున్న నేపథ్యంలో లోగోను మరింత డైనమిక్గా, స్క్రీన్ ఫ్రెండ్లీగా ఉండాలని భావిస్తున్నట్లు పేర్కొంది.