Meta Introduces Advertising To WhatsApp: ప్రపంచవ్యాప్తంగా విస్తృతంగా వినియోగించే అత్యున్నతమైన మెసేజింగ్ యాప్ గా పేరుగాంచిన వాట్సప్ లో ఇకపై యాడ్స్ దర్శనమివ్వనున్నాయి. యాప్ ను మొదలు పెట్టినప్పటి నుంచి ఇప్పటి వరకు ఎలాంటి యాడ్స్ లేకుండా ఉచితంగానే సేవలందించిన ఈ సంస్థ.. ఇక ఇప్పుడు ఆదాయార్జనలో, బిజినెస్ ప్రమోటింగ్ లో భాగంగా కొత్తగా ప్రకటనలకు శ్రీకారం చుడుతోందన్నమాట.
ఇకపై యాప్ లోని అప్డేడేట్స్ ట్యాబ్ లో ఈ అడ్వర్టైజ్మెంట్ కు సంబంధించిన ఫీచర్లు తీసుకొస్తున్నట్లు వాట్సప్ పేర్కొంది. వాట్సప్ ని అప్డేట్స్ ట్యాబ్ లో ఈ యాడ్స్ కు సంబంధించిన ఫీచర్లు మనకు కనిపించనున్నాయి. ఆప్డేట్స్ ట్యాబ్ లో ప్రస్తుతం ఛానెళ్లు, స్టేటస్ విభాగాల్లో ఇవి కనిపిస్తాయి. యాప్ వాడే వారిలో 1.5 బిలియన్ల మంది రోజూ ఈ అప్డేట్స్ ట్యాబ్ ను విజిట్ చేస్తున్నట్లు అంచనా. ఈ నేపథ్యంలో వాట్సప్ గ్రూప్ అడ్మిన్లకు, ఆర్గనైజేషన్లకు, వ్యాపారులకు వాట్సప్ ద్వారా ఎదిగే అవకాశం కల్పించేందుకు ఈ రకమైన ప్రకటనలను తీసుకొస్తున్నట్లు స్పష్టం చేసింది.
Meta Introduces Advertising To WhatsApp మొత్తం మూడు రకాల యాడ్ సంబంధిత ఫీచర్లు త్వరలో అందుబాటులో ఉండనున్నాయి. అవి..
- ఛానెల్ సబ్స్క్రిప్షన్: నెలవారీ ఫీజు చెల్లించి మీకు ఇష్టమైన ఛానెల్ కు సబ్స్క్రిప్షన్ చేసుకోవడం ద్వారా సపోర్ట్ అందివ్వడం.
- ప్రమోటెడ్ ఛానెల్: ప్రస్తుతం ఉన్న ఛానెల్స్ ను ఎక్స్ ప్లోర్ చేస్తే ట్రెండింగ్ లో ఉన్న కొన్ని వాట్సప్ ఛానెళ్లు ఆటోమేటిక్ గా కనిపిస్తుంటాయి. ఇకపై అడ్మిన్లు తమ ఛానెల్ విజిబిలిటీని మరింత పెంచుకోవడానికి కొంత ఫీజును చెల్లించి, తమ వ్యాపారాన్ని ప్రమోట్ చేయొచ్చు.
- స్టేటస్ లో యాడ్స్: స్టేటస్ లో ఇప్పటివరకు వ్యక్తిగత స్టేటస్ లు మాత్రమే కనిపిస్తుండేవి. ఇకపై వ్యాపారాలకు సంబంధించిన స్టేటస్ లు వస్తాయి.
ఈ యాడ్స్ కేవలం అప్డేట్స్ ట్యాబ్ లో మాత్రమే కనిపిస్తాయి. పర్సనల్ చాట్స్ ఎప్పటిలానే యాడ్ ఫ్రీగా ఉంటాయి. అంతేకాదు కాల్స్, మెసేజ్స్, స్టేటస్ లు అనేవి ఎండ్-టు-ఎండ్ ఎన్క్రిప్టెడ్ అయి ఉంటాయి.
స్టేటస్ లో చూపించే యాప్స్, ఛానెళ్ల కోసం.. యూజర్ కు చెందిన బేసిక్ డీటైల్స్ నేషన్, సిటీ, లాంగ్వేజ్ వంటి వివరాలు మాత్రమే సేకరిస్తున్నట్లు తెలిపింది. ఇతర అడ్వర్టైజర్లకు వ్యక్తుల ఫోన్ నంబర్ ను విక్రయించడం లేదా పంచుకోవడం లాంటివి చేయమని కూడా స్పష్టం చేసింది. అంతా బానే ఉన్నా ఈ యాడ్ ఫీచర్ ఎప్పటినుంచి అందుబాటులోకి తెచ్చే విషయంలో ఇంకా క్లారిటీ రావాల్సి ఉంది.
Also Read: https://www.mega9tv.com/technology/youtube-shorts-will-now-be-integrated-with-google-lens/