Pooja Hegde : సినీ ఇండస్ట్రీ అంటేనే మాయా ప్రపంచం. అక్కడ ఎప్పుడు ఎవరు స్టార్లు అవుతారో, స్టార్లుగా ఉన్నవారు ఎప్పుడు కింద పడిపోతారో చెప్పడం కష్టం. ఎన్ని ఫ్లాపులు వచ్చినా హీరోలు ఇండస్ట్రీని పట్టుకుని వేలాడుతూనే ఉంటారు. కానీ హీరోయిన్లు విషయంలో మాత్రం అలా జరగదు. హిట్లు వచ్చినంత వరకే వాళ్లకి స్టార్‌డమ్. ఒక్క ఫ్లాప్ వచ్చిందంటే ఐరన్‌లెగ్ ముద్ర వేసేసి ఛాన్సులు ఇవ్వడానికే జంకుతారు. ప్రస్తుతం బుట్టబొమ్మ పూజా హెగ్దే పరిస్థితి అలాగే ఉంది.
మోడలింగ్ నుంచి సినిమాల్లోకి వచ్చిన పూజా టాలీవుడ్ లో తక్కువ టైం లోనే స్టార్ స్టేటస్ సంపాదించుకుంది. కానీ ప్రస్తుతం మాత్రం ఆమెను బ్యాడ్ లక్ వదలట్లేదు. గత కొంతకాలంగా పూజా ఏ సినిమా చేసినా అది డిజాస్టర్ అవుతోంది. దీంతో ఆమెకు అవకాశాలు అమాంతం తగ్గిపోయాయి. ఇక ఇటీవల ఆమెకు ఓ మూవీ ఆఫర్ వచ్చింది. అయితే ఇప్పుయాడు ఆ ప్రాజెక్ట్ నుంచి కూడా బుట్టబొమ్మను తప్పించారట.
గత కొన్నాళ్ల నుంచి పూజా హెగ్డే టైం ఏమీ బాలేదు. ఈమె నటిస్తున్న సినిమాలన్నీ ప్లాప్ అవుతున్నాయి. టాలీవుడ్లో ఈ హీరోయిన్ ప్రభాస్‌తో ‘రాధేశ్యామ్’, రామ్‌చరణ్‌తో ‘ఆచార్య’ తమిళంలో విజయ్‌ సరసన ‘బీస్ట్’ చిత్రాలు చేయగా అన్నీ డిజాస్టర్లుగా నిలిచాయి. దీంతో పూజాపై ఐరన్ లెగ్ ముద్ర పడిపోయింది. ఆమెతో సినిమా చేసేందుకు నిర్మాతలు వెనుకాడారు. రూటు మార్చి బాలీవుడ్‌కి వెళ్లినా అక్కడా నిరాశ ఎదురైంది. ప్రేక్షకులు ఆమె అందాల్ని ఆస్వాదించారు గానీ సినిమాలని మాత్రం పట్టించుకోలేదు.Pooja Hegde.
దీంతో కొంత బ్రేక్ తర్వాత తనకు లైఫ్ ఇచ్చిన సౌత్‌పైనే కన్నేసింది. సూర్య సరసన ‘రెట్రో’లో ఛాన్స్ కొట్టేయడంతో తన కెరీర్‌ మళ్లీ పుంజుకుంటుందని ఊహించుకుంది. ఆ సినిమా తేడా కొట్టేయడంతో పరిస్థితి మళ్లీ మొదటికి వచ్చింది. ‘కూలీ’లో మోనికా అంటూ స్టెప్పులతో ఓ ఊపు ఊపేసింది. ఈ సాంగ్ యూట్యూబ్‌లో ట్రెండింగ్‌లోకి రావడంతో అవకాశాలు పెరుగుతాయని ఆశలు పెట్టుకుంది. అయితే ‘కూలీ’ థియేటర్లలో మెప్పించలేకపోవడంతో పూజాకి నిరాశే ఎదురైంది.
ఏదొకటి చేసి మళ్లీ అవకాశాలు దక్కించుకోవాలని విశ్వ ప్రయత్నాలు చేసిన పూజా హెగ్దేకి ఊహించని అవకాశం వచ్చింది. దుల్కర్ సల్మాన్ హీరోగా రవి నేలకుడితి అనే కొత్త దర్శకుడి తెరకెక్కిస్తోన్న చిత్రంలో ఆమెకు ఛాన్స్ వచ్చింది. దీంతో తెలుగులో ఎలాగైనా మళ్లీ పాగా వేయాలని భారీ ఆశలే పెట్టుకుంది.
అయితే తాజాగా వినిపిస్తోన్న టాక్ ప్రకారం.. ఈ మూవీలో పూజా నటించడం లేదట. ప్రాజెక్టు నుంచి తానే తప్పుకుందా.. లేక మేకర్స్ తీసేశారా అన్నది క్లారిటీ లేకపోయినా ఈ పరిణామం పూజాకి పెద్ద దెబ్బేనని చెప్పొచ్చు. పూజా హెగ్దే ప్లేస్‌లో శ్రుతిహాసన్‌ని తీసుకుంటున్నట్లు తెలుస్తోంది. ఇదే నిజమైతే పూజా బ్యాడ్‌లక్ కంటిన్యూ అవుతున్నట్లేనని చెప్పొచ్చు.
Also Read:https://www.mega9tv.com/cinema/nithin-teams-up-with-vikram-k-kumar-for-a-movie/