Suhas Became Proud Dad: ‘కలర్ ఫోటో’ సినిమాతో నటుడిగా గుర్తింపు తెచ్చుకుని, వరుస విజయాలతో తెలుగు చిత్రసీమలో మంచి స్థానం ఏర్పరచుకున్న హీరో సుహాస్, వ్యక్తిగతంగా ఇప్పుడు మరో మైలురాయిని చేరుకున్నాడు. ఆయన రెండోసారి తండ్రయ్యారు. ఈ సంతోషకర విషయాన్ని స్వయంగా సుహాస్ తన సోషల్ మీడియా వేదికగా షేర్ చేశారు. దీంతో సినీ పరిశ్రమకు చెందిన పలువురు ప్రముఖులు, స్నేహితులు, అభిమానులు అతనికి శుభాకాంక్షలు తెలుపుతూ స్పందిస్తున్నారు. గతేడాది జనవరిలో సుహాస్ భార్య లలిత వారికి మొదటి మగబిడ్డ జన్మించాడు. ఇప్పుడు మరో మగబిడ్డ పుట్టడంతో సుహాస్ రెండు కుమారుల తండ్రిగా మారారు. ఈ వార్తను ప్రకటించిన సుహాస్ పోస్ట్ ఇంటర్నెట్‌ లో వైరల్ అవుతోంది.
సుహాస్ – లలితల ప్రేమకథ కూడా ఆసక్తికరంగా సాగింది. ఏడేళ్ల పాటు ప్రేమించుకున్న ఈ జంట, కుటుంబ సభ్యుల ఒప్పందం లేకపోయినా, 2017లో ప్రేమ వివాహం చేసుకున్నారు. అప్పటి నుంచి లలిత తనకు అదృష్టంగా మారిందని, ఆమె వల్ల జీవితంలో ఎంతో స్థిరత వచ్చిందని సుహాస్ పలు సందర్భాల్లో వెల్లడించారు. ఇప్పుడు ఈ జంట ప్రేమకు గుర్తుగా ఇద్దరు పిల్లలు జన్మించడం విశేషం. ప్రస్తుతం సుహాస్ నటిగా కెరీర్ పరంగా కూడా చాలా బిజీగా ఉన్నారు. ఇటీవల పవన్ కళ్యాణ్ ప్రధాన పాత్రలో తెరకెక్కిన ‘ఓజీ’ సినిమాలో అతిథి పాత్రలో మెరిశారు. ఇప్పుడు తెలుగులో రెండు ప్రాజెక్ట్స్, తమిళంలో ఒక సినిమా చేస్తున్నాడు.
సుహాస్ సినీ ప్రయాణం వైవిధ్యంగా సాగింది. ఆయనకు ఇండస్ట్రీ బ్యాక్‌గ్రౌండ్ లేకపోయినా, చిన్న చిన్న షార్ట్ ఫిల్మ్స్ ద్వారా తన టాలెంట్‌ను చూపిస్తూ ‘కలర్ ఫోటో’ సినిమాతో నటుడిగా గుర్తింపు పొందారు. ఈ చిత్రం థియేటర్లలో కాకుండా ఓటీటీలో విడుదలై, ప్రేక్షకుల నుంచి విశేష స్పందనతో పాటు నేషనల్ అవార్డు గెలుచుకోవడం విశేషం. Suhas Became Proud Dad.
ఆ తరువాత, ఆయనకు వరుస అవకాశాలు వచ్చాయి. ఇటీవల కీర్తి సురేష్‌తో కలిసి నటించిన ‘ఉప్పు కప్పురంబు’ ఓటీటీలో విడుదలై పాజిటివ్ రెస్పాన్స్ తెచ్చుకుంది. అలాగే ‘ఓ భామా అయ్యో రామ’ అనే మరో సినిమా కూడా జులైలో ప్రేక్షకుల ముందుకు వచ్చింది. ఈ రెండు చిత్రాలు అనుకున్నంతగా ఆడలేదు.
ప్రస్తుతం సుహాస్ తన తదుపరి సినిమాల పనులతో తెగ బిజీగా ఉన్నారు. ఒకవైపు కుటుంబంలో ఆనందం నింపుతూనే, మరోవైపు తన సినీ ప్రస్థానాన్ని ముందుకు తీసుకెళ్తున్నారు.