Trump Coin Controversy: ప్రపంచంలో ఇంత మంది దేశాధినేతలు.. దేశాధ్యక్షులు ఉన్నా.. వారిలో కొందరు దేశాలతో సంబంధం లేకుండా పాపులర్ అవుతుంటారు. ఇలాంటి వారిలో మంచి కంటే కూడా విపరీత తీరుతోనే అందరిని అట్రాక్ట్ అవుతూ ప్రపంచ వ్యాప్తంగా అందరి నోట నానుతూ ఉంటారు. ఈ కోవలోకే వస్తారు అమెరికా అధ్యక్షుడు డొనాల్డ్ ట్రంప్. రెండోసారి దేశాధ్యక్ష పదవిని చేపట్టిన నాటి నుంచి నిమిషం ఖాళీ లేకుండా అదే పనిగా సంచలన నిర్ణయాలు తీసుకోవటం.. తనకు నచ్చని వారిని టార్గెట్ చేస్తూ ఇష్టారాజ్యంగా వ్యవహరిస్తున్న ట్రంప్ గురించి ప్రత్యేకంగా చెప్పాల్సిన అవసరం లేదు.
ఇప్పటివరకు ఎన్నో సంచలన నిర్ణయాల్ని తీసుకున్న ట్రంప్.. ఇప్పుడు ఒక డాలర్ నాణెం మీద ట్రంప్ తన ముఖంతో కూడిన కరెన్సీని ప్రింట్ చేసేందుకు వీలుగా కసరత్తు చేస్తున్నారు. అయితే దీనికి సంబంధించిన నమూనా విడుదలైన సంగతి తెలిసిందే. వచ్చే ఏడాది అమెరికా 250వ స్వాతంత్య్రం దినోత్సవాన్ని పురస్కరించుకొని నాణెన్ని తీసుకురావాలని డిసైడ్ చేశారు. ఇందులో భాగంగా ప్రస్తుత అధ్యక్షుడు డొనాల్డ్ ట్రంప్ ముఖచిత్రం ఉన్న నాణెన్ని తీసుకొచ్చే ప్రయత్నం చేస్తున్నారు. ఇక ఈ నాణెన్ని ముద్రించాలని డిసైడ్ చేశారు.
అయితే..ప్రెంజెట్ గా విడుదల చేసిన నమూనాలానే ఉంటుందా? మార్పులు చోటు చేసుకుంటాయా? అన్న దానిపై క్లారిటీ లేదు. ఇటీవల విడుదలైన ట్రంప్ ముఖంతో కూడిన నాణెం నకలు నకిలీగా భావించారు. కానీ.. ట్రంప్ ఫేస్ తో ఒక డాలర్ నాణెన్ని తీసుకు వస్తున్నట్లుగా ట్రెజరర్ బ్రాండన్ బీచ్ తెలపడంతో.. అందరూ ఇప్పుడు ట్రంప్ ముఖంతో ఉండే నాణెం గురించి మాట్లాడుకోవటం మొదలు పెట్టారు. ఈ నాణెం కింది భాగంలో మనం నమ్మే దేవుడి సాక్షిగా అన్న పదాలు.. పై భాగంలో.. పోరాడు.. పోరాడు.. పోరాడు అన్న పదాలు ఉన్నాయి. మరోవైపు 1776-2026 సంవత్సరాల్ని ప్రింట్ చేయటం..దీనిపై ట్రంప్ ముఖం ఉండేలా సిద్ధం చేశారు.
గత ఏడాది పెన్సిల్వేనియాలో ఎన్నికల ప్రచారం సందర్భంగా ట్రంప్‌పై హత్యాయత్నం జరిగిన సంగతి తెలిసింది. ఈ ఘటనలో ఆయన తృటిలో ప్రాణాలతో బయటపడ్డారు. తాను పోరాటం ఆపబోనని పిడికిలి బిగించి నినదించారు. ఈ సందర్భాన్ని గుర్తుచేస్తూ నాణెంపై ఫైట్, ఫైట్, ఫైట్ అనే పదాలకు స్థానం కల్పించారు. అంతేకాకుండా ట్రంప్ వెనుకభాగంలో రెపరెపలాడుతున్న అమెరికా జాతీయ జెండా కనిపిస్తోంది.
అయితే.. సోషల్ మీడియాలో దర్శనమిస్తున్న నాణెన్ని తయారు చేస్తారా? మార్పులుచేస్తారా? అన్న దానిపై క్లారిటీ లేదు. ఇప్పుడీ అంశం వివాదంగా మారుతోంది. అమెరికా చట్టాల ప్రకారం చూస్తే.. ప్రస్తుతం పదవిలో ఉన్నఅధ్యక్షుడి లేదంటే జీవించి ఉన్న మాజీ అధ్యక్షుడి చిత్రాన్ని ప్రింట్ చేయటం చట్టవిరుద్ధం. మరణించిన రెండేళ్ల తర్వాతే ప్రింట్ చేసే వీలుందని చెబుతున్నారు. ఆసక్తికరమైన మరో అంశం ఏమంటే సరిగ్గా వందేళ్ల క్రితం 1926లో అమెరికాకు అధ్యక్షుడిగా వ్యవహరించిన కాల్విన్ కూలిడ్జ్ పేరును ప్రస్తావిస్తున్నారు. అమెరికా దేశ చరిత్రలో పదవిలో ఉండగానే నాణెంపై ఆయన చోటు దక్కించుకున్న రికార్డు ఉంది. ట్రంప్ కారణంగా ఆ రికార్డు బ్రేక్ కానుంది.
అమెరికా కాంగ్రెస్ ఇటీవల కాయిన్‌ రీడిజైన్‌ యాక్ట్‌ను ఆమోదించింది. స్వాతంత్య్ర దినోత్సవాన్ని పురస్కరించుకొని ప్రత్యేక ఒక డాలర్ నాణెన్ని ముద్రించడానికి ట్రెజరీకి అనుమతి మంజూరు చేసింది. 2026 జనవరి 1 నుంచి ఏడాది కాలంపాటు ఒక డాలర్ నాణెలను ముద్రించవచ్చని పేర్కొంది. అయితే, వీటిపై జీవించి ఉన్న లేదా మరణించిన వ్యక్తుల తల గానీ, భుజం గానీ, భుజం పైభాగం నుంచి జట్టు వరకు గానీ ఉండడానికి వీల్లేదని తేల్చిచెప్పింది. అయితే, చట్టాన్ని ఉల్లంఘించని విధంగా ట్రంప్ చిత్రంతో కొత్త కాయిన్‌ తీసుకురానున్నట్లు తెలుస్తోంది. తుది డిజైన్‌ను ట్రెజరీ ఇంకా ఆమోదించలేదని సమాచారం. మరో ఆసక్తికరమైన విషయం ఏమిటంటే.. పదవిలో ఉండగానే అమెరికా నాణెంపై చోటు దక్కించుకున్న ఏకైక అధ్యక్షుడు కాల్విన్ కూలిడ్జ్. 1926లో ఆయన చిత్రంతో కాయిన్‌ ముద్రించారు. Trump Coin Controversy.
ఇక మొత్తంగా అమెరికా కరెన్సీపై తన బొమ్మ వేయించుకోవాలని తపిస్తున్న ట్రంప్ తీరు ఇప్పుడు హాట్ టాపిక్ గా మారింది.కొసమెరుపు ఏమంటే.. సరిగ్గా వందేళ్ల తర్వాత అమెరికాలో సేమ్ సీన్ తెర మీదకు రావటం. మరీ ఏం జరుగుతుందో తెలుసుకోవాలంటే వేచి చూడాల్సిందే.