Niharika Interview: ప్రియదర్శి, నిహారిక ఎన్ ఎం జంటగా విజయేందర్ దర్శకుడిగా బీవీ వర్క్స్ బ్యానర్ మీద బన్నీ వాస్ సమర్పణలో కళ్యాణ్ మంథిన, భాను ప్రతాప, డా. విజేందర్ రెడ్డి తీగల నిర్మించిన చిత్రం ‘మిత్ర మండలి’.ఈ సినిమా కోసం బన్నీ వాస్ మూవీ టీమ్ తో కలిసి ప్రొమిషన్స్ ని డిఫరెంట్ గా చేస్తూ వస్తున్నారు. ఈ మూవీ అక్టోబర్ 16న రిలీజ్ కాబోతోంది. ఈ క్రమంలో హీరోయిన్ నిహారిక ఎన్ ఎం మీడియాతో ముచ్చటించారు.
నిహారిక మాట్లాడుతూ..” నేను ముందుగా ఈ ‘మిత్ర మండలి’ కథనే విన్నాను. కానీ ‘పెరుసు’ తమిళ చిత్రం ముందుగా రిలీజ్ అయింది. ‘మిత్ర మండలి’లో ఉండే భారీ క్యాస్టింగ్ వల్ల అందరి డేట్స్ అడ్జస్ట్ అవ్వడానికి చాలా టైం పట్టింది. మొత్తానికి అక్టోబర్ 16న మా చిత్రం ఆడియెన్స్ ముందుకు రాబోతోంది.‘మిత్ర మండలి’ చిత్రంలో నేను ఓ సాఫ్ట్ పాత్రను పోషించాను. ఇందులో నా పాత్ర చాలా కొత్తగా ఉంటుంది. ప్రియదర్శి ఒక అద్భుతమైన నటుడు, సినిమా చేసే టైంలో నాకు చాలా సపోర్ట్ చేసాడు.‘మిత్ర మండలి’ షూటింగ్‌ చేస్తున్న సమయంలోనే ప్రియదర్శి నటించిన కోర్ట్ మూవీ హిట్ అయింది. అంత పెద్ద హిట్ అందుకున్న కానీ ఎలాంటి గర్వం అతనిలో కనిపించలేదు. చాలా సింపుల్ గా ఉంటాడు ప్రియదర్శి. అతన్ని చూసి నేను చాలా నేర్చున్నాను.నాకు అన్ని కూడా కామెడీ బేస్డ్ చిత్రాలే వస్తున్నాయి. అందుకే డిఫరెంట్ సబ్జెక్ట్‌లను ఎంచుకోవాలని చూస్తున్నాను.Niharika Interview
ఫెయిల్యూర్స్ వస్తే చాలా బాధపడతాను.కానీ వెంటనే దాన్నుంచి బయటకు వచ్చేస్తాను. ఇండస్ట్రీలో ఒక్కొక్కరికి ఒక్కో రకమైన అనుభవం ఎదురవుతుంది. బయట ప్రపంచంలో ఇండస్ట్రీ గురించి మాత్రం రకరకాలుగా మాట్లాడుకుంటూ ఉంటారు. మన హద్దుల్లో మనం ఉంటే ఏమీ కాదు. తెరపై నన్ను మా ఫ్యామిలీ హాయిగా చూసుకునేలా ఉండాలి. నా సీన్ వస్తుంటే వాళ్లు కళ్లు మూసుకునేలా ఉండకూడదు.‘మిత్ర మండలి’ చిత్రంలో కథ, కథనం చాలా కొత్తగా ఉంటుంది. అందరినీ నవ్వించేలా మా చిత్రం ఉంటుంది. థియేటర్‌కు వచ్చిన ప్రతీ ఒక్కరు హాయిగా నవ్వుకునే బయటకి వస్తారు.టాలీవుడ్‌లో దొరికినంత ప్రేమ, కంఫర్ట్ నాకు ఇంకెక్కడా దొరకలేదు.” అని చెప్పుకొచ్చారు.