మెగా ఫ్యాన్స్‌కు జోష్ ఇచ్చే న్యూస్..RC17 లేటెస్ట్ అప్‌డేట్
గ్లోబల్ స్టార్ రామ్ చరణ్, దర్శకుడు సుకుమార్ కాంబినేషన్ అంటేనే ప్రేక్షకుల్లో సూపర్ క్రేజ్. వీరిద్దరి కలయికలో వచ్చిన రంగస్థలం ఇండస్ట్రీ హిట్ గా నిలిచి, చరణ్ నటనకు ఒక కొత్త బెంచ్ మార్క్ సెట్ చేసింది. ఇప్పుడు వీరి కాంబోలో రాబోతున్న 17వ సినిమా పై అంచనాలు ఆకాశాన్ని తాకుతున్నాయి. ఈ సినిమాపై ఎప్పుడెప్పుడా అని ఎదురుచూస్తున్న మెగా అభిమానులకు దసరా పండుగ వేళ డబుల్ ధమాకా లాంటి అప్‌డేట్ వచ్చేసింది. పుష్ప 2 లాంటి బిగ్గెస్ట్ బ్లాక్ బస్టర్ తర్వాత రామ్ చరణ్ తో సుక్కు చేస్తున్న భారీ ప్రాజెక్ట్ ఇది. ప్రస్తుతం ఆర్ సీ 17 ప్రాజెక్ట్ ప్రీ-ప్రొడక్షన్ పనులు శరవేగంగా జరుగుతున్నాయి. అయితే, ఈ మోస్ట్ అవైటెడ్ ప్రాజెక్ట్ గ్రాండ్ లాంచ్‌కు ముహూర్తం దాదాపు ఫిక్స్ అయిపోయింది. దసరా పండుగను పురస్కరించుకుని.. అక్టోబర్ 20న హైదరాబాద్‌లో చిత్ర బృందం పూజా కార్యక్రమాలను ఘనంగా నిర్వహించేందుకు ప్లాన్ చేసినట్లు టాలీవుడ్ వర్గాల్లో జోరుగా ప్రచారం జరుగుతోంది. ఇప్పటికే హైదరాబాద్‌లో ఈ ప్రాజెక్ట్ కోసం ఒక కొత్త ఆఫీస్‌ను కూడా సిద్ధం చేశారు. టాప్ ప్రొడక్షన్ హౌస్ మైత్రీ మూవీ మేకర్స్ , సుకుమార్ రైటింగ్స్ సంయుక్తంగా అత్యంత భారీ బడ్జెట్‌తో ఈ చిత్రాన్ని నిర్మించనున్నాయి. పెద్ది సినిమా కోసం కండలు పెంచుకున్న రామ్ చరణ్, RC17 కోసం స్పెషల్‌గా బరువు తగ్గి మరింత స్లిమ్ గా, లీన్ లుక్ లో కనిపించబోతున్నట్లు సమాచారం.
సినిమా లాంచ్ డేట్ న్యూస్ జోరుగా ఉన్న నేపథ్యంలో ఈ మూవీకి మ్యూజిక్ డైరెక్టర్ ఎవరు అన్న క్యూరియాసిటీ ప్రేక్షకుల్లో ఉంది. సుకుమార్ మూవీ అంటే వెంటనే దేవి శ్రీ ప్రసాద్ గుర్తుకువస్తాడు. టాలీవుడ్ లో వీరిద్దరిదీ ఐకానిక్ కాంబినేషన్. సుకుమార్ మొదటి సినిమా ఆర్య నుంచి రీసెంట్ గా వచ్చిన పుష్ప వరకు ప్రతి సినిమాలోనూ డీఎస్పీ దే బ్లాక్ బస్టర్ మ్యూజిక్. కానీ, అనూహ్యంగా RC17 కు మాత్రం వీరిద్దరి జర్నీకి బ్రేక్ పడింది. పాన్ ఇండియా స్థాయిలో ఈ సినిమాను ప్లాన్ చేస్తున్న సుకుమార్.. ఈసారి తన ట్రేడ్ మార్క్ స్టైల్ కు భిన్నంగా, ఒక కొత్త సౌండింగ్ కోసం అనిరుధ్ రవిచందర్ ను ఎంచుకున్నారని ఇండస్ట్రీ టాక్. పుష్ప 2 పనుల్లో బిజీగా ఉన్న సుకుమార్, ఆ తర్వాత వెంటనే చరణ్ ప్రాజెక్టును పట్టాలెక్కించనున్నారు. ఇప్పటికే ఈ సినిమా లాంచ్ కు అక్టోబర్ 20న ముహూర్తం ఖరారైనట్లు వార్తలు వస్తున్న నేపథ్యంలో, మ్యూజిక్ డైరెక్టర్ మార్పు వార్త ఇండస్ట్రీలో సంచలనంగా మారింది.
