బలమైన రోగనిరోధక వ్యవస్థ శరీరాన్ని ఇన్ఫెక్షన్లు, వ్యాధులు, దీర్ఘకాలిక అనారోగ్యాల బారిన పడకుండా రక్షిస్తుంది. మనలోని ఇమ్యునిటీ ఎక్కువగా ఉంటేనే మనం ఆరోగ్యంగా ఉంటాం. కానీ నేటి కాలంలో చిన్న జ్వరం, ఫ్లు జ్వరాలు.. తలనొప్పి మొదలు రకరకాల వ్యాధులు ఈజీగా ప్రబలుతున్నాయి. దీనికి కారణం మన జీవనశైలి, తీసుకునే ఆహారం. మరీ ముఖ్యంగా కోవిడ్-19 తరువాత చాలామంది బలహీనంగా మారారు. అయితే మనలో ఇమ్యూనిటీని పెంచుకునేందుకు కొన్ని రకాల అంశాలను ఇప్పుడు తెలుసుకుందాం:
సమతుల ఆహారం రోగనిరోధక శక్తికి తోడ్పడి అవసరమైన విటమిన్లు, ఖనిజాలను అందిస్తుంది.
విటమిన్ సి: సిట్రస్ పండ్లు, బెల్ పెప్పర్స్, స్ట్రాబెర్రీలలో లభిస్తుంది, ఇది రోగనిరోధక కణాల పనితీరును మెరుగుపరుస్తుంది.
విటమిన్ డి: విటమిన్ డి లోపం వల్ల ఇన్ఫెక్షన్లకు గురయ్యే అవకాశం ఉంటుంది కాబట్టి ఎండలో కాసేపు ఉండటం, చేపలు, బలవర్థకమైన పాల ఉత్పత్తుల వంటి ఆహారాలు ఇమ్యూనిటికి దోహదపడతాయి.
జింక్: గింజలు, చిక్కుళ్ళలో లభించే ఈ ఖనిజం.. రోగనిరోధక కణాల కార్యకలాపాలకు, గాయం నయం కావడానికి సాయపడుతుంది.
ప్రోబయోటిక్స్: పెరుగు, ఇడ్లీ, దోస వంటి పులియబెట్టిన ఆహారాలు పేగు ఆరోగ్యాన్ని ప్రోత్సహిస్తాయి. ఇది రోగనిరోధక శక్తికి చాలా ముఖ్యమైనది.
రోగనిరోధక నియంత్రణకు నిద్ర చాలా కీలకం. దీర్ఘకాలిక నిద్రలేమి వాపును పెంచుతుంది. రక్షిత సైటోకిన్‌ల ఉత్పత్తిని తగ్గిస్తుంది. ఇమ్యూన్ సిస్టమ్ మొత్తం ఆరోగ్యాన్ని మెరుగుపరచడానికి రాత్రికి 7 నుంచి 9 గంటలు నిద్రపోవాలని లక్ష్యంగా పెట్టుకోవాలి. లేదంటే ఇమ్యునిటి తగ్గి లేనిపోని ఇబ్బందులు వస్తాయి.