మరోసారి తన నైజాన్ని చాటుకున్న పాకిస్థాన్.. సైలెంట్‌గా డ్రామాలు..!
కామెంట్లు (0)
అప్పుల ఊబిలో కూరుకుపోయిన పాకిస్థాన్ ను ఆదుకోవడానికి, ఇటీవల ఇస్లామిక్ దేశాల పెద్దన్న సౌదీ అరేబియా భారీ ఆర్థిక సాయం చేసింది. కానీ ఇప్పుడు అదే సౌదీ అరేబియా మీద హూతీ రెబల్స్ భయంకరమైన దాడులు చేస్తూ విధ్వంసం సృష్టిస్తుంటే.. రియాద్‌కు నమ్మకంగా ఉన్నట్లు నటించే పాకిస్థాన్ మాత్రం సైలెంట్‌గా డ్రామాలు ఆడుతోంది. ఇన్ని దాడులు జరుగుతున్నా ఇస్లామాబాద్ ఉలుకుపలుకు లేకుండా ఉండటం ఇప్పుడు ఇంటర్నేషనల్ జియో-పాలిటిక్స్‌లో పెను ప్రకంపనలు రేపుతోంది.
మిడిల్ ఈస్ట్‌లో తమ పట్టును నిలుపుకోవడానికి సౌదీ అరేబియా ఎప్పుడూ ప్రయత్నిస్తూనే ఉంటుంది. ఈ క్రమంలోనే ఆగస్టు 7వ తేదీన సౌదీ అరేబియా, పాకిస్థాన్, తుర్కియే దేశాలు మూడూ కలిసి మక్కా ఒప్పందం పేరిట ఒక చారిత్రాత్మక రక్షణ ఒప్పందాన్ని కుదుర్చుకున్న విషయం విదితమే. ఈ మూడు దేశాల్లో ఏ ఒక్కరిపైన దాడి జరిగినా సరే, మిగతా రెండు దేశాలు తమ సొంత యుద్ధంగా భావించి వెంటనే సైన్యాన్ని పంపి రంగంలోకి దిగాలనేదే ఈ ఒప్పందం సారాంశం.
తీరా చూస్తే ఒక చిన్న గెరిల్లా దళమైన హూతీలు .. యెమెన్ నుంచి సౌదీ అరేబియా భూభాగంపై, చమురు క్షేత్రాలపై వరుస డ్రోన్, క్షిపణి దాడులు చేస్తూ విలవిలలాడిస్తున్నారు. ఒప్పందం ప్రకారం ఇప్పుడు పాకిస్థాన్ ఏం చేయాలి? వెంటనే తన ఆర్మీని, ఫైటర్ జెట్స్‌ను సౌదీకి పంపి హూతీలపై దాడులు చేయాలి. కానీ పాకిస్థాన్ మాత్రం సైలెంట్‌గా కూర్చుంది. మిత్రదేశం గురించి పట్టించుకోకుండా, మరోసారి తన నైజాన్ని చాటుకుంది.
అసలు పాకిస్థాన్ ఎందుకు ఇంతలా భయపడుతోంది? సౌదీకి హెల్ప్ చేస్తే వాళ్లకు వచ్చే నష్టం ఏంటి? ఇక్కడే ఇంటర్నేషనల్ పాలిటిక్స్ ఒక గేమ్ ఛేంజర్ లాగా మారాయి. పాకిస్థాన్‌కు సౌదీకి హెల్ప్ చేయాలని లోలోపల ఉన్నా.. ఇరాన్ భయం వాళ్ల కాళ్లు కట్టేస్తోంది. సౌదీ అరేబియాపై దాడులు చేస్తున్న హూతీ రెబల్స్‌కు ఆయుధాలు, ఆర్థిక సాయం, టెక్నాలజీ అన్నీ ఇస్తోంది ఇరాన్ దేశమే. ఒకవేళ పాకిస్థాన్ గనక యెమెన్‌లో ఎలాంటి సైనిక చర్యలో పాల్గొన్నా.. లేదా హూతీలపై ఒక్క బుల్లెట్ పేల్చినా, దానికి ఇరాన్ తీవ్ర ఆగ్రహానికి గురికావాల్సి వస్తుంది. ఇప్పటికే పాకిస్థాన్‌కు శత్రువులు ఎక్కువే. తూర్పు సరిహద్దులో భారతదేశం ధాటికి పాక్ బలగాలు ఎప్పుడూ భయపడుతూనే ఉంటాయి. పశ్చిమ సరిహద్దులో చూస్తే తాలిబాన్ల సర్కార్‌తో ఇక
ఇరాన్ తో పాక్‌కు సుదీర్ఘమైన సరిహద్దు ఉంది. ఇప్పుడు సౌదీ కోసం ఇరాన్‌తో కూడా పగ పెట్టుకుంటే.. తూర్పున ఇండియా, పశ్చిమాన తాలిబాన్లు, దక్షిణాన ఇరాన్.. ఇలా మూడు వైపుల నుంచి దాడులు ఎదుర్కోవడం పాకిస్థాన్ సైన్యం వల్ల ఏమాత్రం కాదు. కొత్తగా ఇరాన్‌తో ఉద్రిక్తతలు పెట్టుకుంటే దేశం మ్యాప్‌లో లేకుండా పోతుందని పాక్ పాలకులు భయపడుతున్నారు. అందుకనే ఈ ఉద్రిక్తతలకు దూరంగా, సౌదీకి ఫోన్లో మాత్రమే మద్దతు తెలుపుతూ డ్రామాలు ఆడుతున్నారు.
పాకిస్థాన్ జనాభాలో సున్నీ ముస్లింలు మెజారిటీ అయినా, షియా వర్గాల జనాభా కూడా చాలా ఎక్కువే. పాక్ ప్రభుత్వ విధానాల వల్ల దేశంలో షియా వర్గాలపై జరుగుతున్న దాడులతో వారు ఇప్పటికే తీవ్ర ఆగ్రహంతో రగిలిపోతున్నారు. ఇరాన్ దేశం, అలాగే యెమెన్‌లోని హూతీలు కూడా షియా వర్గానికే చెందినవారు కావడం ఇక్కడ అసలు పాయింట్. ఒకవేళ పాకిస్థాన్ సైన్యం సౌదీకి మద్దతుగా వెళ్లి షియా వర్గమైన హూతీలపై ఎటువంటి దాడులు చేపట్టినా.. అది పాకిస్థాన్ స్వదేశంలో తీవ్ర మతపరమైన ఘర్షణలకు దారి తీస్తుంది. పాక్ వీధుల్లో షియాలు ప్రభుత్వానికి వ్యతిరేకంగా తీవ్ర నిరసనలు, తిరుగుబాటు చేస్తారని ఆర్మీ ఇంటెలిజెన్స్ భయపడుతోంది. ఇప్పటికే తీవ్రవాదంతో, బలూచిస్తాన్ లాంటి ప్రాంతాల్లో వేర్పాటువాదం, సరిహద్దు సమస్యలు ఎదుర్కొంటూ దివాళా తీసిన పాక్‌కు.. ఈ మతపరమైన ఘర్షణలు మింగుడుపడని వ్యవహారమే. అందుకే ఇదంతా మనకెందుకులే అని సౌదీ కష్టాల్లో ఉన్నా చూసీ చూడనట్లు వదిలేస్తున్నారు.
నిజానికి పాకిస్థాన్ ఇలా చేయడం ఇదే మొదటిసారి కాదు. చరిత్రలోకి చూసుకుంటే 1960ల నుంచి సౌదీని నమ్మించి మోసం చేయడం పాక్‌కు ఒక రివాజుగా, వృత్తిగా మారిపోయింది. 1969లో దక్షిణ యెమెన్ దళాలు సౌదీలోకి ప్రవేశించినప్పుడు, పాక్ కేవలం పైపైన పరిమిత దాడులు చేసింది కానీ, గ్రౌండ్ వార్ లో పాల్గొనలేదు. 1980ల్లో ఆఫ్గాన్ ముజాహిదీన్‌లకు సౌదీ అరేబియా భారీగా నిధులు పంపితే, ఆ డబ్బును మధ్యలో పాకిస్థాన్ మింగేసి మిగిలినవి మాత్రమే వాళ్లకు ఇచ్చేది. 2011లో బహ్రెయిన్ తిరుగుబాటు అప్పుడూ అంతే, సౌదీ సైన్యాన్ని పంపమని బతిమాలితే.. పాక్ కేవలం ఇద్దరు ముగ్గురు సలహాదారులను పంపి చేతులు దులుపుకుంది. ఇక 2015లో యెమెన్‌పై సౌదీ నేతృత్వంలో దాడులు జరిగినప్పుడు అయితే.. పాకిస్థాన్ ఏకంగా తమ పార్లమెంట్‌లో ఒక తీర్మానమే పాస్ చేసింది. మేము సౌదీ యుద్ధంలో పాల్గొనబోము అని అధికారికంగా చెప్పి సౌదీకి ఆశాభంగం కలిగించింది.ఇంత హిస్టరీ ఉన్నా సౌదీ అరేబియా పాకిస్థాన్‌ను గుడ్డిగా నమ్ముతూనే వస్తోంది. పాక్ ఆర్థిక వ్యవస్థ కుప్పకూలిపోయిన ప్రతిసారీ ఆదుకుంటోంది. ఈ ఒక్క ఏడాదిలోనే పాకిస్థాన్‌కు సౌదీ 8 బిలియన్ డాలర్ల అంటే ఇండియన్ కరెన్సీలో సుమారు 66 వేల కోట్ల భారీ ఆర్థిక సాయాన్ని అందించింది. ఇంత ఆదుకున్నా పాక్ తన వైఖరిని ఇలాగే కొనసాగిస్తోంది.
