వన మ్యాన్ షో ..? ‘సీన్’ మూవీ రివ్యూ!
కరుప్పు, విశ్వనాథ్ అండ్ సన్స్ బ్లాక్ బస్టర్స్ తర్వాత..సూర్య సూర్య హీరోగా జీతూ మాధవన్ దర్శకత్వంలో వచ్చిన సినిమా సీన్. ఈ సినిమా అనౌన్స్ అయినప్పటి నుంచి భారీ అంచనాలు ఏర్పడ్డాయి. దానికి తోడు, చాలా కాలం తర్వాత నజ్రియా హీరోయిన్‌గా రీఎంట్రీ ఇస్తుండటంతో పాటు,నస్లెన్ తొలిసారిగా తమిళ సినీ రంగంలో డెబ్యూ చేయడం ఈ సినిమాపై ఆసక్తిని పెంచింది. దానికి తోడు, ప్రమోషనల్ స్టఫ్ అంతా వర్కౌట్ కావడంతో, ఎప్పుడెప్పుడు ఈ సినిమా చూడాలా అని సూర్య అభిమానులతో పాటు సినీ అభిమానులు సైతం ఆసక్తిగా ఎదురుచూశారు. ఎట్టకేలకు ఈ మూవీ దీపావళి సందర్భంగా ప్రేక్షకుల ముందుకు వచ్చేసింది. మరి సినిమా ఎలా ఉంది.
ప్రేమ్రాజ్ ఒక టాలెంటెడ్ క్రైమ్ బ్రాంచ్ పోలీస్ ఆఫీసర్. ఎంతో క్లిష్ట‌మైన కేసుల‌ను తన తెలివితేటలతో ఇట్టే సాల్వ్ చేసే ప్రేమ్ రాజ్.. త‌న‌కున్న ఒక శారీరక సమస్య కార‌ణంగా తన ఉద్యోగాన్ని వదిలేయాలి అనుకుంటాడు. అయితే విక్ట‌ర్ అనే సీరియల్ కిల్లర్ వల్ల ప్రేమ్ రాజ్ కు ఉన్న ఆ సమస్య క్రైమ్ బ్రాంచ్ హెడ్ స్టీఫెన్‌ కు తెలిసిపోతుంది. దీంతో ప్రేమ్‌రాజ్‌ను డిపార్ట్మెంట్ నుంచి తీసేస్తాడు. సరిగ్గా అదే సమయంలో సిటీలో ఓ సైకో కిల్లర్ వ‌రుస‌గా ఒకే తరహాలో హ‌త్య‌లు చేస్తుంటాడు. తన పోలీస్ ఉద్యోగం పోయినా సరే, ఈ కేసును పట్టుకుని తీరుతానని స్టీఫెన్‌తో ప్రేమ్రాజ్ ఛాలెంజ్ చేస్తాడు. ఈ ఇన్వేస్టిగేష‌న్‌ కోసం మాయ ను తనకు అసిస్టెంట్ గా పెట్టుకుంటాడు. ఎలాంటి ఆధారాలు లేకుండా అత్యంత తెలివిగా హ‌త్య‌లు చేస్తున్న ఆ కిల్లర్ ఈశ్వ‌ర్‌ ను చూపు లేని ప్రేమ్రాజ్ ఎలా ప‌ట్టుకున్నాడు? ఈ ప్రయాణంలో మాయ‌తో ప్రేమ్‌రాజ్‌కు ఉన్న అనుబంధం ఎలా మారింది? అన్న‌దే ఈ సీన్ సినిమా క‌థ.
సాధారణంగా ఒక సీరియల్ కిల్లర్ మూవీ అంటే హీరోకు, విలన్ కు మధ్య మైండ్ గేమ్స్ ఉండాలి, సీట్ ఎడ్జ్ థ్రిల్స్ ఉండాలి. కానీ డైరెక్టర్ జీతూ మాధవన్ ఎంచుకున్న పాయింట్ బాగున్నా, దాన్ని ఎగ్జిక్యూట్ చేయడంలో పూర్తిగా తడబడ్డారు అని పబ్లిక్ టాక్. విలన్‌ను పట్టుకోవడానికి పోలీస్ ఆఫీసర్ వేసే ఎత్తుగడలు చాలా సిల్లీగా అనిపిస్తాయంటున్నారు. హీరో అంధుడు కాబట్టి, ఆయన ఇంటెలిజెన్స్ ను ఎలివేట్ చేయడం కోసం డిపార్ట్మెంట్ లోని మిగతా పోలీసులందరినీ పెద్ద జోకర్లుగా చూపించడం సినిమాలో సహజత్వాన్ని దెబ్బతీసిందని సినీ విశ్లేషకులు చెబుతున్నారు.
