చిలకడదుంపలు.. చిన్నా పెద్దా తేడా లేకుండా ఇష్టంగా తింటారు. చాలామంది వీటిని ఉడికించి తినడానికే ఇష్టపడతారు. మరికొందరు నిప్పుల మీద కాల్చి తింటారు. ఇంకొందరు టిప్స్, టిక్కీ, పూర్ణం బూరెలు, భక్ష్యాలు వంటి రకరకాల స్నాక్స్ రూపంలో చేసుకొని తింటూ ఉంటారు. అయితే చిలకడదుంపలను క్రమం తప్పకుండా తింటే గనుక శరీరానికి అద్భుతమైన ఫలితాలు కలుగుతాయి. అవేమిటంటే..
డైలీ మన శరీరానికవసరమయ్యే ముఖ్యమైన ఖనిజలవణాలు ఇందులో ఉంటాయి.
సుమారు 130 గ్రాముల ఒక చిలకడదుంపలో.. దొరికేవి..
విటమిన్ ఎ: రోజువారీ అవసరమైన దానికంటే 400% కంటే ఎక్కువ లభ్యమవుతుంది.
విటమిన్ సి: రోజువారీ అవసరమైనదానిలో 25% లభిస్తుంది.
ఫైబర్: 4 గ్రాములు దొరుకుతుంది. ఇది జీర్ణక్రియకు సహాయపడుతుంది.
పొటాషియం: గుండె ఆరోగ్యానికి, రక్తపోటు నియంత్రణకు తోడ్పడుతుంది.
మెగ్నీషియం: ఒత్తిడిని తగ్గించడానికి, కండరాల పనితీరును మెరుగుపరచడానికి సాయపడుతుంది.
ఇంకా ఇందులో ఐరన్, బి రకం విటమిన్లు ఉంటాయి. ఇది మొత్తం శరీర శక్తి స్థాయిని మెరుగుపరుస్తుంది.
- బీటా-కెరోటిన్ లాంటి యాంటీఆక్సిడెంట్.. శరీరంలో విటమిన్-ఎ గా రూపాంతరం చెందుతుంది. అటువంటి కెరోటిన్ చిలగడదుంపలలో సమృద్ధిగా ఉంటుంది. ఇది కంటి చూపు మెరుగ్గా ఉండటానికి రేచీకటి వంటి వ్యాధుల నివారణలో ఉపయోగపడుతుంది. ఇప్పుడు చాలామంది కంటి ఆరోగ్య సమస్యలతో ఇబ్బంది పడుతున్నారు. ఇలాంటివారు స్వీట్ పొటాటోను ఆహారంలో రెగ్యులర్ గా తీసుకుంటే చాలా మంచిది.
- శరీరంలోని యాంటీఆక్సిడెంట్లు ఏదైనా సెల్యులార్/ కణం దెబ్బతినకుండా శరీరంలోని రక్షణ వ్యవస్థను బలోపేతం చేసి, రోగనిరోధక వ్యవస్థను పటిష్టం చేస్తుంది.
- స్వీట్ పొటాటోలో డైటరీ ఫైబర్ కూడా ఉంటుంది. ఇది జీర్ణవ్యవస్థను మెరుగుపరచడంలో కీలక పాత్ర పోషిస్తుంది. ఈ ఫైబర్ కంటెంట్ మోషన్ ను మృదువుగా చేస్తుంది. మలబద్దకం వంటి సమస్యను రానీయదు. ప్రేగు కదలికలను సులభతరం చేస్తుంది. డైజెషన్ ఫ్రీగా అవుతుంది. ఎటువంటి ఇబ్బందులూ తలెత్తకుండా కాపాడుతుంది.