గుడ్లు.. సమతుల ఆహారంలో భాగంగా వీటిని పరిగణిస్తారు. ప్రతిరోజూ ఒక గుడ్డు తింటే చాలు. పోషకాహారలోపం రాదని అంటారు. ఓ వయసు వచ్చాక పిల్లలకు గుడ్డు రోజూ ఇవ్వాలని వైద్యులు చెబుతారు. పిల్లలు, ప్రెగ్నెంట్ ఉమెన్, మహిళలు, వృద్దులు.. ఇలా అందరికీ పోషకాలను సమకూర్చే పవర్ ఫుల్ ఫుడ్డు.. ఈ పోషకాల గుడ్డు!
అయితే గుడ్లను ఉదయాన్నే తీసుకుంటే కలిగే లాభాలివే..
గుడ్లు పరిమాణంలో చాలా చిన్నగా ఉన్నా.. పోషకాల పరంగా ఇవి ఆరోగ్యానికి చాలా బెస్ట్. ఇందులో విటమిన్ ఎ, బి5, బి12, డి, ఇ, కె, బి6, ఫోలేట్, ఫాస్పరస్, సెలీనియం, కాల్షియం, జింక్ వంటి మినరల్స్ తో పాటు ప్రోటీన్, ఆరోగ్యకరమైన కొవ్వులు కూడా ఉంటాయి. వీటిల్లో మొత్తం తొమ్మిది రకాల ఎమైనో ఆమ్లాలు ఉంటాయి. ఇవి ప్రోటీన్ ను బిల్డింగ్ చేయడంలో సహాయపడతాయి. శరీరం ప్రోటీన్ ను తయారు చేయలేదు. కాబట్టి గుడ్లను తీసుకోవడం వల్ల శరీరానికి ప్రోటీన్ కొరత ఏర్పడదు.
ట్రై గ్లిజరైడ్స్ రక్తంలో కనిపించే ఒక రకమైన కొవ్వు పదార్థం. శరీరంలో ట్రైగ్లిజరైడ్స్ ఎక్కువ ఉంటే గుండె జబ్బు ప్రమాదాలు పెరుగుతాయి. గుడ్లు తినడం వల్ల ఈ ట్రైగ్లిజరైడ్ స్థాయిలు అనేవి తగ్గుతాయి. రోజూ ఉదయాన్నే వారంలో కనీసం మూడు నుంచి నాలుగుసార్లు అయినా గుడ్లు తీసుకోవడం వల్ల గుండె ఆరోగ్యం బాగుంటుంది. గుండె జబ్బుల ప్రమాదాన్ని 75శాతం వరకు తగ్గించవచ్చు.
గుడ్లను ఉదయాన్నే తీసుకోవడం వల్ల రోజంతా ఉత్సాహంగా ఉండవచ్చు. ఎక్కువసేపు కడుపు నిండిన ఫీల్ ఉంటుంది. గుడ్లలో విటమిన్-ఎ, జింక్, జియాక్సంథిన్ వంటివి కంటి ఆరోగ్యాన్ని కాపాడుకోవడానికి సహాయపడతాయి. కార్నియా దెబ్బతినకుండా రక్షించే లక్షణాలు కూడా వీటిల్లో ఉంటాయి. గుడ్లలో విటమిన్-డి పుష్కలంగా ఉంటుంది. ఇది మెదడులోని గ్రే మ్యాటర్ కు ముఖ్యమైనది. ఇందులో ఉండే కోలిన్ మంటను తగ్గించడంలో సహాయపడుతుంది. మెదడు పనితీరును బెటర్ చేస్తుంది.