తన పర్సనల్ లైఫ్ ఇన్సిడెంట్ షేర్ చేసుకుని నవ్వులు పూయించిన కాంగ్రెస్ అగ్రనేత రాహుల్

కాంగ్రెస్ అగ్రనేత, లోక్సభ ప్రతిపక్ష నేత రాహుల్ గాంధీ తాజాగా తన పర్సనల్ లైఫ్కు సంబంధించిన ఒక అంశాన్ని అందరితో పంచుకోవడం సోషల్ మీడియాలో ట్రెండింగ్ గా మారింది. న్యూఢిల్లీ వేదికగా తన తల్లి సోనియా గాంధీ రాసిన ఆత్మకథ Belonging: A Journey of Love పుస్తకావిష్కరణ సభ ఘనంగా జరిగింది. ఈ సభలో ప్రసంగించిన రాహుల్ గాంధీ.. తన తల్లిదండ్రులు రాజీవ్ గాంధీ, సోనియా గాంధీలు ఎక్కడ కలుసుకున్నారు? వాళ్లు ప్రేమలో పడిన ఆ రెస్టారెంట్ ఏంటి? అదే రెస్టారెంట్కు తను తన గర్ల్ఫ్రెండ్తో కలిసి డేట్కు వెళితే ఎలాంటి అనుభవం ఎదురైంది అన్న విషయాలను చాలా సరదాగా గుర్తుచేసుకున్నారు. తను క్యాంబ్రిడ్జ్ యూనివర్సిటీలో చదువుకుంటున్న రోజుల్లో.. తన గర్ల్ఫ్రెండ్ను తీసుకుని ఒక ప్రత్యేకమైన రెస్టారెంట్కు వెళ్లినట్లు రాహుల్ వెల్లడించారు. తన గర్ల్ఫ్రెండ్తో మనం వర్సిటీ రెస్టారెంట్కు వెళ్దాం పద అని చెప్పి అక్కడికి తీసుకెళ్లానని, అయితే ఆ రెస్టారెంట్ ప్రత్యేకత ఏంటో ఆమెకు అప్పటికి తెలియదని రాహుల్ చెప్పారు. ఆ వర్సిటీ రెస్టారెంట్ ఎక్కడో కాదు, సరిగ్గా తన తల్లిదండ్రులు రాజీవ్ గాంధీ, సోనియా గాంధీలు తొలిసారి కలుసుకున్న ప్రదేశం అని ఆయన గుర్తుచేసుకున్నారు. రెస్టారెంట్ లోపలికి వెళ్లగానే, అక్కడ మెనూ తీసుకురావడానికి వచ్చిన ఒక వెయిటర్తో.. మా అమ్మానాన్నలు మొదటిసారి కలుసుకున్నది ఈ రెస్టారెంట్లోనే అని రాహుల్ చెప్పారు. దానికి ఆ వెయిటర్ వెంటనే ఆశ్చర్యంగా ఓహ్, ఆ ఇద్దరా.. మీరు ఎవరి గురించి చెబుతున్నారో నాకు కచ్చితంగా తెలుసు అని బదులివ్వడం రాహుల్ను కూడా ఆశ్చర్యపరిచింది.
వెయిటర్తో జరిగిన సంభాషణ తర్వాత, రాహుల్ చెప్పిన మరో ఫన్నీ ఇన్సిడెంట్ అందరినీ కడుపుబ్బా నవ్వించింది. ఆ వర్సిటీ రెస్టారెంట్లో భోజనం విషయంలో తన తల్లిదండ్రుల టేస్ట్కు, తన టేస్ట్కు అస్సలు పొంతన లేదని రాహుల్ నవ్వుతూ పంచుకున్నారు. మా తల్లిదండ్రులకు ఆ రెస్టారెంట్లోని ఆహారం చాలా అద్భుతంగా అనిపించేది.. ఆ భోజనం చాలా బాగుందని వారు ఎప్పుడూ గుర్తు చేసుకునేవారు అని రాహుల్ చెప్పారు. కానీ ఆ రోజు మెనూలో ఏది బాగుంటుందని రాహుల్ వెయిటర్ను అడగ్గా, అతను చికెన్ చ్యాసర్ అనే వంటకాన్ని సూచించాడట. రాహుల్ తన గర్ల్ఫ్రెండ్ కోసం, తన కోసం అదే ఆర్డర్ ఇచ్చారు. కానీ రాహుల్కు మాత్రం ఆ భోజనం రుచి అస్సలు నచ్చలేదు. ఈ విషయాన్ని స్టేజ్ మీద చెబుతూ..మీరు ఎవరైనా సరే ప్రేమలో పడాలనుకుంటే మాత్రం కచ్చితంగా కేంబ్రిడ్జ్ లోని ఆ వర్సిటీ రెస్టారెంట్కు వెళ్లండి. కానీ దయచేసి అక్కడి చికెన్ చ్యాసర్ వంటకాన్ని మాత్రం ఎప్పుడూ తినకండి. దాని టేస్ట్ అస్సలు బాలేదు అంటూ రాహుల్ ఒక ఫన్నీ ఫుడ్ రివ్యూ ఇచ్చారు. రాహుల్ గాంధీ చేసిన ఈ కామెంట్స్తో ముందు వరుసలో కూర్చున్న సోనియా గాంధీతో సహా అంతా పగలబడి నవ్వారు.
ఈ ప్రసంగం ముగిసిన వెంటనే, పాత్రికేయులు రాహుల్ దగ్గరకు వెళ్లి ఒక డైరెక్ట్ ప్రశ్న వేశారు. సార్, మీ స్పీచ్లో ఒక గర్ల్ఫ్రెండ్ గురించి చెప్పారు కదా.. ఇంతకీ ఆమె ఇప్పుడు ఎక్కడున్నారు? అని వారు ప్రశ్నించారు. ఒక జాతీయ పార్టీకి అగ్రనేతగా ఉన్న రాహుల్ ఈ పర్సనల్ ప్రశ్నకు ఎలా రియాక్ట్ అవుతారో అని అందరూ ఆసక్తిగా చూశారు. కానీ ఈ ప్రశ్నకు ఏమాత్రం తడుముకోకుండా, రాహుల్ ఎంతో స్పోర్టివ్గా స్పందించారు. నవ్వుతూనే కేవలం ఒకే ఒక్క ముక్కలో..ఆమె ఇప్పుడు నా మంచి స్నేహితురాలు అని ఎంతో స్మార్ట్గా సమాధానమిచ్చారు.
ఆ క్లిప్స్ సోషల్ మీడియాలో విపరీతంగా వైరల్ అవుతున్నాయి. ఆమె గురించి రాహుల్ ఎలాంటి వ్యక్తిగత సమాచారం గానీ, పేరు గానీ బయటపెట్టలేదు. తన గతం గురించి, లవ్ లైఫ్ గురించి దాపరికాలు లేకుండా ఓపెన్గా మాట్లాడటం, అదే సమయంలో హుందాగా సమాధానం ఇచ్చి ఆ టాపిక్ను అక్కడితో ముగించడం రాహుల్ గాంధీ పరిణితికి అద్దం పడుతోందని అక్కడున్న వారు చర్చించుకున్నారు. ఏది ఏమైనా రాజకీయ నాయకులకు సంబంధించి రాజకీయాలతో పాటు ఇటువంటి చిన్న చిన్న వ్యక్తిగత అనుభవాలు స్టోరీస్ ఎప్పుడూ ప్రజలకు కొంచెం ఎక్కువ ఆసక్తిని కలిగిస్తాయి అనడంలో ఎలాంటి సందేహం లేదు. రాహుల్ గాంధీ తన పర్సనల్ డేటింగ్ లైఫ్ గురించి ఫిల్టర్ లేకుండా చెప్పడం, సోనియా గాంధీ తన జీవిత ప్రయాణాన్ని పుస్తకం ద్వారా ప్రజల ముందుకు తీసుకురావడం కాంగ్రెస్ శ్రేణుల్లో కూడా కొత్త ఉత్సాహాన్ని నింపుతోంది.
కామెంట్లు (0)
సంబంధిత వార్తలు

ఒకప్పటి దావూద్ అడ్డాపై బుల్డోజర్..చరిత్రలోకి 87 ఏళ్ల నాటి చీకటి సామ్రాజ్యం..?

ఫుడ్ చైన్ను మళ్లీ గాడిలో పెట్టేందుకు గుజరాత్ మాస్టర్ ప్లాన్.. అడవుల్లో ఎర్ర కోళ్లు!

