భారత్ కు హ్యాండ్ ఇచ్చిన బంగ్లాదేశ్ సీన్‌ లోకొచ్చిన చైనా..ఆ సరిహద్దుల్లో అసలేం జరుగుతోంది..?

ఈ పోర్ట్ డెవలప్ చేసుకుంటే బంగ్లాదేశ్‌కు మంచిదే అయితే ఇక్కడే అసలైన ట్విస్ట్ ఉంది. ఈ ఒప్పందానికి ముందు బంగ్లాదేశ్ తీసుకున్న ఒక సంచలన నిర్ణయం ఇప్పుడు ఇండియాను అలర్ట్ చేసింది. ఈ మోంగ్లా పోర్ట్ సమీపంలోనే గతంలో భారత్‌కు బంగ్లాదేశ్ కొంత భూమిని కేటాయించింది. అక్కడ ఇండియా ఒక భారీ సెజ్ డెవలప్ చేయాల్సి ఉంది. కానీ ఈ ప్రాజెక్ట్‌ను బంగ్లాదేశ్ సడెన్‌గా రద్దు చేసింది. ఇండియా ఒప్పందం ప్రకారం నిర్ణీత టైమ్‌లో అక్కడ భౌతిక నిర్మాణ పనులు ప్రారంభించలేదని, అందుకే ఆ ప్రాజెక్ట్‌ను క్యాన్సిల్ చేస్తున్నామని బంగ్లాదేశ్ అధికారులు ఒక రీజన్ చెప్పారు. ఒకవైపు భారత్ ప్రాజెక్ట్ క్యాన్సిల్ అవ్వడం, ఆ వెంటనే ఇప్పుడు మోంగ్లా పోర్ట్ డెవలప్‌మెంట్ కోసం చైనా భారీ లోన్ ఇవ్వడం ఒకేసారి జరిగాయి. అయితే ఇండియా ప్రాజెక్ట్‌కు ప్రత్యామ్నాయంగానే చైనా ఈ లోన్ ఇస్తోందని డైరెక్ట్‌గా చెప్పడానికి ఆధారాలు లేకపోయినా.. టైమింగ్ మాత్రం ఇండియాకు చాలా డౌట్స్ క్రియేట్ చేస్తోంది. బంగ్లాదేశ్ పాలిటిక్స్‌లో వచ్చిన మార్పుల తర్వాత.. వాళ్లు ఇండియాను పక్కనపెట్టి చైనా వైపు ఎక్కువగా మొగ్గు చూపుతున్నారన్న వాదనలకు ఈ డీల్ బలం చేకూరుస్తోంది.

బంగాళాఖాతంలో చైనా ఎంట్రీ ఇస్తే భారత్‌కు ఎప్పుడూ ముప్పే. ఎందుకంటే మోంగ్లా పోర్ట్ మన సరిహద్దుకు కేవలం 80 కిలోమీటర్ల దూరంలో మాత్రమే ఉంది. చైనా ఎప్పుడు ఏ పోర్ట్ డెవలప్ చేసినా మొదట వాణిజ్యం, వ్యాపారం అంటుంది. కానీ రాను రాను ఆ దేశాన్ని అప్పుల ఊబిలో ముంచేసి, చివరకు ఆ పోర్ట్‌ను తన మిలిటరీ బేస్‌గా మార్చుకుంటుంది. శ్రీలంకలోని హంబన్‌తోట పోర్ట్ విషయంలో చైనా ఆడిన గేమ్ మనందరికీ తెలిసిందే. దక్షిణాసియా , హిందూ మహాసముద్ర ప్రాంతాల్లో చైనా పెడుతున్న ఈ మౌలిక సదుపాయాల పెట్టుబడులను భారత్ ఇప్పుడు అత్యంత వ్యూహాత్మకంగా పరిశీలిస్తోంది.

అయితే, ప్రస్తుతానికి ఇది కేవలం ఒక కమర్షియల్ లోన్ ఒప్పందం మాత్రమే. ఈ ఒక్క డీల్ తోనే చైనాకు మోంగ్లా ఓడరేవులో డైరెక్ట్‌గా మిలిటరీ యాక్సెస్ లభిస్తుందని లేదా అక్కడి నుంచి చైనా నౌకాదళం తన కార్యకలాపాలు నిర్వహిస్తుందని ఇప్పుడే నిర్ధారించలేం. అయితే వాళ్ల గూఢచారి నౌకలు, రీసెర్చ్ షిప్స్ బంగ్లాదేశ్ పోర్టుల్లోకి రావడం ఖాయం. అదే జరిగితే బంగాళాఖాతంలో మన నావల్ బేస్‌లకు, మన జలాంతర్గాములకు నిరంతరం ముప్పు పొంచి ఉన్నట్లే. మొత్తానికి బంగ్లాదేశ్ తన ఓడరేవును ఆధునికీకరించి వాణిజ్య సామర్థ్యాన్ని పెంచుకునే పనిలో ఉంది. అటు చైనా ఏమో బంగాళాఖాతంలో కీలక స్థానంలో ఉన్న దేశంతో ఆర్థిక సంబంధాలను బలోపేతం చేసుకుని తన స్ట్రింగ్ ఆఫ్ పెర్ల్స్ స్ట్రాటజీని స్పీడప్ చేస్తోంది. ఇప్పుడు భారత్ ముందున్న ఒకే ఒక్క ఆప్షన్.. బంగ్లాదేశ్‌తో దౌత్య సంబంధాలు చెడిపోకుండా చూసుకుంటూనే, మన సముద్ర భద్రతను వంద శాతం కట్టుదిట్టం చేసుకోవడం. ఈ మోంగ్లా ప్రాజెక్టును బంగ్లాదేశ్ ఎలా అమలు చేస్తుంది, అందులోకి చైనా షిప్స్‌ను ఎంతవరకు అనుమతిస్తుంది అనేదానిపైనే రేపటి మన భద్రతా ముప్పు ఆధారపడి ఉంటుంది.