మహిళలకు 30 ఏళ్లు వచ్చేసరికి కెరీర్, కుటుంబం, వ్యక్తిగత జీవితంలో చోటు చేసుకునే మార్పుల వల్ల వారి జీవనశైలి మారడమే కాకుండా, శరీరం లోపల కూడా చాలా మార్పులు జరుగుతాయి. ముఖ్యంగా దీని ప్రభావం చర్మ ఆరోగ్యంపై స్పష్టంగా కనిపిస్తుంది. నిజానికి 30 ఏళ్లు దాటిన తర్వాత, శరీరంలో కొల్లాజెన్ స్థాయి అనేది క్రమంగా తగ్గుతుంది. దీనివల్ల చర్మంపై ముడతలు ఏర్పడి ఏజ్డ్ లా కనిపించడం, కీళ్లు బాగా లూజ్ అయిపోవడం, దృఢత్వం, పట్టు కోల్పోవడం వంటి సమస్యలు వస్తాయి. అయితే దీనివల్ల పెద్దగా ఆందోళన చెందాల్సినవసరం లేదని ఆహార నిపుణులు చెబుతున్నారు. రెగ్యులర్ గా తీసుకునే ఆహారంలో కొన్ని పదార్థాలను చేర్చుకుంటే కొల్లాజెన్ ఉత్పత్తి ఆటోమేటిక్ గా పెరిగి, రిపేర్ చేస్తుంది. అవేమిటంటే..
- విటమిన్- సి అధికంగా ఉండే నారింజ, నిమ్మ, ఆమ్లా, కివి, స్ట్రాబెర్రీ, బొప్పాయి, క్యాప్సికమ్ వంటివి రెగ్యులర్ గా తీసుకోవాలి. ఇవి కొల్లాజెన్ ఉత్పత్తిని పెంచడంతోపాటు చర్మ కాంతిని కాపాడి, లుక్ బాగుండేలా చేస్తుంది.
- ప్రోటీన్ అధికంగా ఉండే గుడ్డు, చేపలు, చికెన్, కాటేజ్ చీజ్, పెరుగు, పప్పులు ప్రోటీన్ కు అద్భుతమైన సోర్స్. కాబట్టి అవి కొల్లాజెన్ ఏర్పడటానికి, శరీర బలాన్ని కాపాడుకోవడానికి అవసరమైన అమైనో ఆమ్లాలతో సమృద్ధిగా ఉంటాయి.
- బాదం, వాల్‌నట్స్, చియా, అవిసె గింజలు వంటి డ్రై ఫ్రూట్స్ తినాలి. వీటిలో ఉండే ఒమేగా-3 కొవ్వు ఆమ్లాలు, యాంటీఆక్సిడెంట్లు చర్మాన్ని ఆరోగ్యంగా ఉంచడంలో సహాయపడతాయి.
- పాలకూర, మెంతులు, బ్రోకలీ, క్యాబేజీ వంటి కూరగాయలు శరీరంలో క్లోరోఫిల్ మొత్తాన్ని పెంచడం ద్వారా కొల్లాజెన్ నష్టాన్ని నివారించడంలో సహాయపడతాయి.