నాకు ఆ రకం అబ్బాయిలు…అస్సలు నచ్చరు..మనసు విప్పిన అనశ్వర రాజన్
టాలీవుడ్‌లో ఇప్పుడు మలయాళ హీరోయిన్స్ హవా నడుస్తోంది. రోషన్ మేకా హీరోగా నటించిన ఛాంపియన్ సినిమాతో తొలిసారిగా తెలుగు ప్రేక్షకులను పలకరించిన బ్యూటీ అనశ్వర రాజన్. తొలి సినిమాతోనే మంచి మార్కులు కొట్టేసిన అనశ్వర, ఏకంగా మెగాస్టార్ చిరంజీవి నటిస్తున్న కాకా సినిమాలో ఛాన్స్ పట్టేసి అందరినీ ఆశ్చర్యపరిచింది. నవంబర్ 13న ఇట్లు అర్జున సినిమాతో మరోసారి మన ముందుకు రాబోతున్న ఈ యంగ్ బ్యూటీ, తాజాగా ఒక ఇంటర్వ్యూలో తన పర్సనల్ లైఫ్, ఇష్టాయిష్టాల గురించి ఎన్నో ఆసక్తికరమైన విషయాలను పంచుకుంది. స్కూల్‌లో చదువుతున్నప్పుడు మోనో యాక్టింగ్ , స్కిట్స్‌లో పాల్గొనడం అనశ్వర హాబీ. కానీ ఎప్పుడూ సినిమాల్లోకి వెళ్లాలని కలలు కనలేదు. ఒకరోజు ఓ సినిమా ఆడిషన్స్ ప్రకటన చూసి, ఆమె ఫ్యామిలీ ఫ్రెండ్స్ ఎంకరేజ్ చేయడంతో సరదాగా వెళ్లిందట. అప్పటికే అక్కడ ఆ పాత్ర కోసం సుమారు 6 వేల మంది ఆడిషన్స్ ఇచ్చారు. అంతమందిని దాటి వాళ్లు అనశ్వరను సెలెక్ట్ చేయడంతో ఆమెకు నమ్మశక్యం కాలేదు. అలా సరదాగా మొదలైన ప్రయాణం, ఈరోజు టాలీవుడ్‌లో బిజీ హీరోయిన్‌గా మార్చేసింది. రోషన్ మేకా హీరోగా నటించిన ఛాంపియన్ సినిమాతో తొలిసారిగా తెలుగు ప్రేక్షకులను పలకరించిన ఈ బ్యూటీ, తన చూడచక్కని అందంతో కుర్రకారును ఫిదా చేసేసింది. ఇండస్ట్రీకి వచ్చిన కొద్దికాలానికే టాలీవుడ్ మెగాస్టార్‌తో స్క్రీన్ షేర్ చేసుకోవడం ఏ హీరోయిన్ కైనా ఒక డ్రీమ్. చిరంజీవి తో కలసి కాకా సినిమాలో నటించడం తన లైఫ్‌లో ఒక బెస్ట్ ఫీలింగ్ అని అనశ్వర మురిసిపోతోంది. ఆయనది గొప్ప వ్యక్తిత్వం అని, సెట్‌లో ఇతరులతో ఎంతో హుందాగా వ్యవహరిస్తారని తాజా ఇంటర్వ్యూలో చెబుతోంది. అంత పెద్ద స్టార్ అయినా సరే, ప్రొఫెషనల్‌గా ఉంటూనే సెట్‌లో చాలా సరదాగా గడుపుతారని, ఆయన నుంచి యాక్టింగ్, డిసిప్లిన్ ఎంతో నేర్చుకోవచ్చని ఆమె తన సంతోషాన్ని పంచుకుంది.
మలయాళ సూపర్ హిట్ సూపర్ శరణ్య లో ఆమె, మరో బ్యూటీ మమితా బైజు కలిసి నటించారు. ఆ సినిమా షూటింగ్ టైంలో వాళ్లిద్దరికీ స్నేహం కుదిరింది. అనశ్వరకు ఆరోగ్యం బాగాలేనప్పుడు మమితా ఆమె చేయి పట్టుకుని తోడుగా ఉందట. మమితా మంచి నటి మాత్రమే కాదు, మంచి మనిషి అని అనశ్వర సర్టిఫికెట్ ఇచ్చేస్తోంది. అనశ్వర లైఫ్‌లో మరో ఇంపార్టెంట్ పర్సన్ ఆమె అక్క. ఆ అక్కే తన బెస్ట్ ఫ్రెండ్. ఈ సందర్భంగా అనశ్వర తన చిన్ననాటి ఫన్నీ ఇన్సిడెంట్‌ను షేర్ చేసుకుంది. 8 ఏళ్ల క్రితం న్యూ ఇయర్ రోజు నైట్, కజిన్ ఇంటికి వెళ్తున్నామని ఇంట్లో అబద్ధం చెప్పి ఇద్దరూ అర్ధరాత్రి వరకూ బయట తిరిగొచ్చారట. ఇంటికొచ్చాక వాళ్ల అమ్మ తిట్టి లోపలికి కూడా రానివ్వకపోవడంతో, ఆ రాత్రంతా కజిన్ ఇంట్లోనే పడుకోవాల్సి వచ్చిందని నవ్వుతూ చెప్పుకొచ్చింది. ఇక చాన్నాళ్లుగా ఉన్న సోలో ట్రిప్ కలను రీసెంట్‌గానే తీర్చుకుందట. ఒంటరిగా స్కాట్లాండ్ వెళ్లిన పర్యటన తన జీవితంలో మర్చిపోలేని మెమరీ అని చెబుతోంది.
అనశ్వర చర్మ సౌందర్యం గురించి చెబుతూ అందులో పెద్ద రహస్యాలేవీ లేవని, రోజూ సన్‌స్క్రీన్ రాసుకోవడం, మంచి మాయిశ్చరైజర్ వాడటమే తన సీక్రెట్ అని చెబుతోంది. అలాగే ఐదేళ్ల క్రితం స్పోర్ట్స్ బాగా ఆడేదాన్ని అని, ఆ టైమ్‌లో ఎండలో చర్మం ట్యాన్ అవకుండా సన్‌స్క్రీన్ మంచి ఫలితాన్నిచ్చిందని, దాంతో పాటు నీళ్లు ఎక్కువగా తాగుతానని ఒక బ్యూటీ టిప్ ఇచ్చేసింది. ఇక అందరూ ఎదురుచూసే మోస్ట్ ఇంట్రెస్టింగ్ టాపిక్.. కుర్రకారు మతులు పోగొడుతున్న ఈ బ్యూటీకి ఎలాంటి అబ్బాయిలు ఇష్టం? అబ్బాయిల్లో ఎమోషన్స్ పరంగా మెచ్యూరిటీ ఉండాలి, మృదువుగా మాట్లాడేవారు నాకిష్టం. నాకు ఆల్ఫా రకం అబ్బాయిలు అస్సలు నచ్చరు. బాహ్యరూపం కన్నా వారి వ్యక్తిత్వం, వారి క్యారెక్టర్, నాతో మాట్లాడే విధానమే నాకు బాగా నచ్చుతుంది అని అనశ్వర చెబుతోంది. ఇక తన భవిష్యత్ పార్ట్‌నర్‌తో డ్రీమ్ రొమాంటిక్ డేట్ ఎలా ఉండాలో కూడా అనశ్వర ఒక లిస్ట్ ప్రిపేర్ చేసి పెట్టుకుంది. ఆమెకు పూలంటే చాలా ఇష్టం. కాబట్టి, నాతో డేట్‌కు వచ్చే అబ్బాయి ఖరీదైన గిఫ్టులు కాకుండా నాకోసం సన్‌ఫ్లవర్స్ , వైట్ పియానీస్ పూలు తీసుకురావాలని కండిషన్ పెడుతోంది. ఒక అందమైన పచ్చని ప్రకృతి మధ్య, ఇద్దరం కూర్చుని చాలా సేపు మనసు విప్పి మాట్లాడుకోవాలని.. అదే తనకు బెస్ట్ రొమాంటిక్ డేట్ అని అనశ్వర తన మనసులోని మాటను బయటపెట్టింది. తనకంటూ ఒక లిమిట్ పెట్టుకుని సినిమాలు చేస్తున్న ఈ బ్యూటీ, టాలీవుడ్‌లో మరిన్ని మంచి విజయాలు అందుకోవాలని మనమూ కోరుకుందాం.
